Улсын баатар Э.Бат-Үүл үндэсний хөрөнгөтнүүдэд итгэхгүй байгаагаа илэрхийллээ. Тэрбээр “Тавантолгойгоо үндэсний хөрөнгөтнүүдэд өгчихье” хэмээсэн найрсаг монгол араншинг зэмлэсэн нь энэ.
Төрийн хөрөнгөөр хайгуул хийж олсон орд газрыг “бизнесийн баячууд” Шанхай, Нью-Йоркийн биржид хувьцаа болгон арилжаад, олзныхоо талыг халааслаж орхино хэмээн хардаж буйгаа нуусангүй. Read the rest of this entry »
Бүх дэлхийн улс орнууд хор шар, бахархал, мэдрэмжийн оргил цэг, ялалт болоод ялагдлын огтлолцол болсон хөлбөмбөгийн ногоон талбайд “болзон уулзаж” буй энэ өдрүүдэд төмөр могой хөлөглөсөн Азийн Монгол гурав дахь гарцын аянд гарлаа. Владивостокийг чиглэсэн 1520 мм-ийн өргөн цариг бүхий төмөр зам тавих монгол төрийн бодлого урд хөршийнхнийг “уурлаж” ч амжаагүй байхад бараг л ажлаа эхэлчихлээ. Хятадын талд “Та түр хүлээнэ үү” хэмээн соёлтойхон гэдийж дөнгөсөн төмөр замд баримтлах төрийн байр суурь Тавантолгойн нүүрс болон Мардай зэрэг Монголын стратегийн ач холбогдол бүхий орд газруудын уран, цайр тэргүүтэй онц чухал ашигт малтмал хаашаа чиглэх “учиртайг” чимээгүйхэн сануулав… Read the rest of this entry »
“Элбэгээг там руу илгээ”
Цахиагийн хүү бурханы шүүлтүүрийн өмнө очжээ. Бурхан түүнийг нэлээн хилэнтэй угтсан юм байх. “За Элбэгдорж оо, там руу явна аа, хө” гэсэнд мань эр арайтай л барьц алсангүй. “Би Монголд ардчилсан хувьсгал эхлүүлсэн, тэгээд яахаараа там руу явдаг билээ” хэмээн асууж амжив. Бурхан мэлмийгээ нээх төдий болоод “Тамд ардчилал хэрэгтэй байна. Тэнд ардчилсан хувьсгал хийх зоригтой хүн алга” гэж учирласан гэнэ… Read the rest of this entry »
Ерөнхий сайд С.Батболдын гэргий Х.Отгонтуяатай ярилцлаа. Бизнесийн хүрээнд ажил хэргээрээ танигдсан тэрбээр Тэргүүн хатагтайн хувьд Урлаг соёлыг дэмжих сан байгуулан ажиллаж буй. Эдийн засагч мэргэжилтэй, таван хүүхэдтэй өнөр айлын эзэгтэй, Ерөнхий сайдын арын албыг амжилттай хашиж яваа түүнийг олж уулзахад амаргүй боловч “Өнөөдөр” сонины урилгыг хүлээн авсан билээ. -Магадгүй, улиг болсон асуулт шиг сонсогдох байх. Гэхдээ хариулт нь сонин байх болов уу. Бизнесмэн, УИХ-ын гишүүн, төрийн сайд Батболдыг олон түмэн мэднэ. Харин Ерөнхий сайд болсноор танай гэр бүлийн амьдрал өөрчлөгдсөн үү? -Үе үеийн төр засгийн тэргүүнүүд амьдарч ирсэн Их тэнгэрт манайх нүүж суурьшсанаас өөрөөр бидний өдөр тутмын амьдралд онцгой өөрчлөгдсөн юм байхгүй. Read the rest of this entry »
МАХН-д Ерөнхийлөгч асан Н.Энхбаярын тунирхлын симфони эгшиглэж байх зуур АН-д “өндөглөсөн” Ардчилсан хүчний холбоо аймаг, дүүргүүдийн намын хороогоор дамжуулан ҮЗХ-ны ротацид дөрөөлөн нэр нөлөөгөө бэхжүүлэхээр шамдаж байна. Read the rest of this entry »
Оюутолгойг тойрон уралдсаар хэдэн жилийг үдэв. 45 сая тонн зэсийн нөөцтэй эл орд газар сүүлийн зургаан оны туршид Монголын улстөрчдийн цээжээ балбах шалтаг, иргэний хөдөлгөөнийхний эх орончийн дүрд тоглох шалтгаан болсоор ирэв. Оюутолгой тойрсон шоу дэлхийн зах зээл дээр зэсийн үнэ буурахад намжиж, шар алтны ханш эрс өсөхөд ширүүсдэг заншил тогтлоо. Чухам энэ л маягаар Оюутолгойн гэрээг үгүйсгэсэн ээлжит синдром энэ хаврын улс төрийн амьдралын хөдөлгүүр болж хувирлаа. Read the rest of this entry »
Говь-Алтай аймгийн төв, Алтай хотод Онгоцны толгой гэж байх. Үе үеийнхний дурлалын зогсоол, болзооны индэр. Онгоцны толгойн урдхан ёотон шиг навтгар цагаан байшин бий. Ертөнцийн цаг хугацаа бидний бужигнаж өссөн хүүхдийн өрөөний үүдэнд ер бусын өөр өнгөтэй болдог. Ааваасаа эмээж, ээжийгээ элэг барьж, тэдэндээ эрхэлж, туньж өссөн дэндүү нялхамсуу, дэндүү шазруун, дэндүү дураараа хүүхэд нас. Read the rest of this entry »
Монгол толгой Монголыг хөгжүүлэх талаар хэлсэн Ерөнхий сайд С.Батболдын үг нэг хэсэгтээ моодонд оров. Олон талт маргаан, шүүмжлэл, эсэргүүцэл, мөн дэмжлэг дагуулсан түүний энэ бодлогын шинэчлэл хэрхэн ажил хэрэг болох нь эдүгээ боловсролын салбарынхны чадлыг сорьсон босго болж хувираад байна. Хөгжил авчрах монгол толгойн эрэлд нийгмээрээ мордсонтой энэхүү “шилжих хөдөлгөөнийг” адилтгаж болно. Дэлхийтэй өрсөлдөн улсаа урагшлуулах монгол толгойгтөлөвшүүлж хүмүүжүүлэх “газрын” хайгуул эдүгээ ид үргэлжилж, ямартай ч оюутны хотхон барихад шаардлагатай 360 сая ам.долларын хөрөнгө оруулалт босгох чимээ чих дэлсэв. Read the rest of this entry »
БСШУ-ы сайд Ё.Отгонбаярын хийсэн хариуцлагагүй мэдэгдэл өнгөрөгч долоо хоногт олон хүний өрийг өвтгөв. Монгол угсаатан дэлхийд 10 сая байхад дээл, хөөмий зэрэгхэнийг хэн ч өмчилж болно хэмээн тэрбээр шазруухан мэдэгдэл хийж, зарим үндэсний үзэлтний зүрхэнд шар ус хуруулсан хэрэг. Түүгээр ч зогсохгүй боловсрол хариуцсан сайдын хувьд том алдаа гарган, “Хөөмий дээл ямар ашигт малтмалын лиценз биш дээ” хэмээн эмзэг сэдвүүдийн дунд эвтэйхэн төөрөлдөөд амжив. Дэлхийд монгол угсаатан 10 байтугай 30 сая байсан ч нүүдэлчин морьтны гал голомтыг сахиж үлдсэн тусгаар Монгол Улс ганцхан байдаг гэдгийг эрхэм сайд мартсан бололтой. Өөрийн гэсэн Үндсэн хуультай, тогтолцоотой, тусгаар улс гэдгээ хүлээн зөвшөөрүүлсэн, Монгол гэж дуудуулах, Монгол гэж омогших эрхтэй ганц л улс бий. Тэр нь Парламентын засаглал хэмээх жолоотой, Ерөнхийлөгч буюу төрийн тэргүүн хэмээх цулбууртай, Засгийн газар ташууртай, 2.7-хон сая хүн амтай ч хотол дэлхийд ханаа дугуйлж, тооноо өргөсөн өнөөгийн Монгол Улс билээ. Бидэнд найман зууны түүх, бас хүн төрөлхтний хөгжилд мөрөө үлдээсэн түүнээс ч урт шастир бий. Read the rest of this entry »
Ганган зангиа, гялгар гутал, үнэтэй цагаар гоёсон шинэ Монголын төрийн түшээд гадаад ертөнцийн өмнө хөгийн новш болж хувирав. Учир нь дэлхий дахин балчир үрсээ хайхардаггүй баячуудад дургүй. Ардчилал, хүний эрх гэсэн нэгэн дээвэр дор үзэл бодлоо нэгтгэдэг бүх дэлхийн ичих булчирхайг Азийн Монгол “өвчлүүлж”, булайгаа дэлгэв. Ард түмэн нь гудамжинд төрж, өсөж, үхэж байхад алтаар гоёж, үнэт чулуугаар өөрсдийгөө чимэглэдэг Энэтхэгийн баячууд, төрийн томчуудыг хямсгар Европ, ихэмсэг Америк буландан харж, буруушаан жигшдэгийн шалтгаан энэ юм. Read the rest of this entry »